This website uses cookies so that we can provide you with the best user experience possible. Cookie information is stored in your browser and performs functions such as recognising you when you return to our website and helping our team to understand which sections of the website you find most interesting and useful.
Kultura
Zu bezalako gazteendako pentsatutako Iruñeko kultur eskaintza guztiaz gozatu
Zinema
Eguberrietako eta Udako zinema: zinema-sarrerak euro batean, Iruñeko Golem zinematokietan.
Sarrerak (pertsona bakoitzeko 2) Gaztediaren Etxean hartu behar dira, eta edozein saio eta film ikusteko baliogarriak dira, 3D filmak salbu, astelehenetik igandera, Golem Baiona eta Golem Yamaguchi zinematokietan.
Iruñean erroldatuta dauden edo Iruñeko ikastetxeetan ikasten duten 14 eta 30 urte bitartekoei zuzenduta, NANa, ikastetxeko txartela eda matrikula aurkeztuta. (Kanpaina bakoitzak data zehatz batzuk ditu)
Zinema jatorrizko bertsioan, gaztelaniazko azpitituluekin: Zinema-programa jatorrizko bertsioan, azpitituluekin, helburu duena Iruñeko gazteei aisialdirako alternatiba eskuragarri bat eskaintzea eta, aldi berean, gazteen artean hizkuntzen ezagutza sustatzea. 2.001 txartel, zinemako (jatorrizko bertsioan, azpitituluekin) sarrerekin trukatzeko; Gazteriaren Etxean jasotzen ahalko dira, bakoitza euro batean. Filmak Golem Baiona eta Golem Yamaguchi zinematokietan ikus daitezke.
CineTag: Gaztediaren Etxeko CineTag proiektuak 2024ko irailetik abenduko larunbatetako arratsaldeeetan izanen diren zazpi proiekzioetara gonbidatzen zaituzte. Saio bakoitzean filma aurretik aurkezpen bat egingo dugu, eta ondotik, hari buruz eta planteatzen dituen gaiei buruz hitz egingo dugu. Filmak jatorrizko bertsioan proiektatuko dira, gaztelerazko azpitituluekin (JBAG).
2024ko iraila-abendua proiekzioak.
Sareak egiten
Hainbat Udalek batera lan egiteko espazioa (Logroño, Madril, Malaga, Murtzia, Iruña, Santander, Valladolid, Gasteiz, Zaragoza eta INJUVE), hainbat arte-diziplinatan gazte-trukea sustatzeko, hiri desberdinetako gazteen arteko trukeak antolatzeko helburuarekin, haien sorkuntzak zabaltzeko, baterako jaialdiak antolatzeko, eta abar.
Musika-taldeen sustapena
Hiriko musika-talde eta bakarlari hasiberriak sustatzeko programa, hainbat ekimenen bidez:
Musika-taldeen poltsa: hiriko gazteen musika-bandak sustatzeko eta aukerak eskaintzeko, kontzertuak egin ditzaten Iruñeko elkarte nahiz kolektiboek antolatutako hainbat gunetan eta udal-programazioaren barruan.
Iruñeko elkarteek eta kolektiboek poltsako talde bat eskatu dezakete beren ekitaldi eta festetarako.
Musika martxan: emusika-talde hasiberriak sustatzeko eta adin guztiendako aisia- eta kultura-jarduerak eskaintzeko hitzordu bat da.
Bertan Gazteriako Alorrak sustatzen dituen gazteen musika sustatzeko programekin lotutako talde eta bakarlariek parte hartzen dute.
Literatura-lehiaketa
Idaztea gustuko duzu? Iruñeko Udalak urtero ematen dizu aukera zure neurria eman dezazun idazle gisara, poesia eta narrazio laburren lehiaketaren bidez, gaztelaniaz zein euskaraz.
Antzerkia
Gazte Antzerki Zikloa: Gaztediaren Etxean urtero egiten den ziklo honen helburua da entseatzeko Etxeko instalazioak erabili ohi dituzten antzerki taldeak eta bere proiektuak ezagutzera eman nahi dituzten beste talde berri batzuen erakusketa bat egitea.
2024ko XVIII. Gazte Antzerki Zikloa.
Esperientziak atzerrian
Inti Ibilbidea programak gazteek munduko txokoren batean espedizio batean parte hartzea ahalbidetzen du, abentura eta kirola hezkuntza-programa batekin eta gizarte ekintzarekin uztartuz.
Urtero gazte talde handi batek aukera du munduko txoko bat ezagutu eta bertako kulturan murgiltzeko, tokiko jendearekin bizitzeko, komunitateekin lankidetzan aritzeko eta esperientzia pertsonal paregabea bizitzeko.
Iruñeko Udala, Ruta Inti elkartearekin duen hitzarmen baten bidez, 18 eta 26 urte bitarteko Iruñeko bi gaztek aurten uztailaren 23tik abuztuaren 19ra Yucatanera (Mexiko) bidaiatzeko kuota ordainduko du.
