This website uses cookies so that we can provide you with the best user experience possible. Cookie information is stored in your browser and performs functions such as recognising you when you return to our website and helping our team to understand which sections of the website you find most interesting and useful.
Aisia eta denbora librea
Ondo pasa eta ikasi zure denbora librean, Gaztediaren Etxean eta aisialdiko gaikako espazioetan programatutako ikastaro eta lantegiarekin
Ikastaroak Gaztediaren Etxean
14 eta 30 urte bitarteko gazteei zuzendutako ikastaroak. Programazioa 5 arlotan banatzen da: Kultur eta garapen pertsonal eta profesionaleko ikastaroak, Estetika eta ongizatea, Kirol ekintzak, Dantza eta espresioa eta informatikako doako mintegiak. Horren bidez, jarduera fisikoa eta ludikoa sustatu nahi da, norberaren ongizaterako iturri gisa, edo gazteak eguneroko bizitzarako baliagarriak diren trebetasunetan trebatu.
Aisialdiko Arratsaldeak
Hilean behin, larunbatetan (iraila-ekaina), aisialdirako arratsalde bat antolatzen du Gaztediaren Etxeak, aisialdirako proposamen zehatza duen elkarte edo gazteren batekin elkarlanean.
Arratsaldean zehar hainbat jarduera egiten dira gai komun batekin eta sarrera beti da librea.
· Abracadabra! Magiazko arratsaldea Teatros Magicos Elkartearekin (2023 ekaina).
· Erronken arratsaldea L&T Elkartearen eskutik (2023 maiatza).
· Estrategia jokoak eta modelismo arratsaldea Ordo Navarrorum Elkartearekin (2023 apirila).
Txankletak udako programa
Iruñeko Udalaren Txankletak udako programak 14 eta 30 urte bitarteko gazteendako jarduerak eskaintzen ditu udan.
Aurten beste urte batzuetan harrera ona izan duten proposamenak mantenduko dira, hala nola zinemarako sarrerak, jauziak ohe elastikoetan eta beste, piraguismoa eta egun bakarreko irteerak, eta proposamen berriak ere izanen dira, hala nola laser tag saioak, jolas birtualak eta musika-konposizioko lantegi bat, bai eta Donostian surfa praktikatzeko txango bat ere.
Jarduera guztiek 5€ko kostua izanen dute bonu bakoitzeko, zinemak (1€), egun bakarreko irteerak joan-etorriekin (15€) eta musika-konposizioko lantegiak (doan) izan ezik.
Gazte Gunea
Gazteei 12 eta 17 urte bitartekoendako da zuzendutako programazioa uztailaren 7tik 14ra, jaiez bestelako gozamen bat sortzen duten hezkuntza eta aisialdi-jardueren alternatiba bat eskaintzeko, prebentzio eta hezkuntza-ikuspegi sozializatzailetik hurbilago, publiko horren beharretara eta ezaugarrietara ere egokituta.
2024ko Gazte Gunea
19:00 – 22:30
Foruen plaza
Kontzertuak, puzgarriak, lantegiak, erakustaldiak eta dantzak.
Uda Gaztediaren Etxea
Uztaila eta abuztuan zehar 14 eta 30 urte bitarteko gazteei zuzendutako doako jarduerak.
Hamaika plan (arratsaldero jarduera desberdin bat, aldez aurretik izena eman beharrik gabe) / Kafehartzen / Informatika tailerrak / Ongizate emozionaleko zikloa / Kultur jarduerak / Kirola
